फूटबल को एसियन कुम्भ मेला

दक्षिण अफ्रीका मा  आयोजना भएको विश्वकप पछि  फेरी विश्व ले एसियालि महारथीहरुको फूटबल को मज्जा लिन पाऊदैछ। भोलि शुक्रबार देखि खाडी राष्ट्र कतार मा हुन लागेको एसियन कप मा एकपल्ट फेरी एसियाली फूटबलका हस्तीहरुले आफ्नो खेल विश्व सामु  पस्कदैछन् ।



कुल १६ टिम सहभागी हुने टिम लाई ४ समूह मा बर्गिकरण गरिएको छ। जस अनुसार समूह 'A' मा चीन, कतार, कुबेत र उज्बेकिस्तान समूह 'B' मा जापान, जोर्डन, साउदी अरेबिया र सिरिया समूह 'C'  मा  ऑस्ट्रेलिया, बहराईन, भारत, दक्षिण कोरिया समूह 'D ' मा  इरान, उत्तर कोरिया, ईराक, साउदी अरेबिया छन ।  पाँच महिनाअघि दक्षिण अफ्रीकामा सम्पन्न विश्वकपमा दक्षिण कोरियाले अन्तिम-१६ सम्मको यात्रा गरेको थियो । त्यसैले पनि दक्षिण कोरिया ५१ वर्षपछि एसियन कप जित्नेमा उत्साहित छ । अस्ट्रेलिया भने अविश्वसनीय रूपमा पहिलो चरणबाटै बाहिरियो । त्यो तिक्तता मेटाउन पनि अस्ट्रेलिया एसियन कप च्याम्पियन बन्न चाहन्छ । 

अस्टे्रेलिया २०१५ को आयोजक
 अस्ट्रेलियाले  सन् २०१५ मा हुने एसियन कप फुटबल आयोजना गर्ने भएको छ । एसियाली फुटबल महासंघ (एएफसी) को दोहामा सम्पन्न कार्यसमिति बैठकले बुधबार महादेशीय प्रतियोगिताको १६ औं संस्करण आयोजना गर्न दिने निर्णय गरेको हो ।
एसियन कपको आयोजनासँगै अस्टे्रेलियाले एसियाली फुटबलको विकासमा महत्त्वपूर्ण योगदान गर्ने एएफसी अध्यक्ष मोहम्मद बिन हमामले बताए । अस्टे्रेलियाली फुटबल संघका अध्यक्ष फ्रयान्क लोवीले छोटो समयमै महादेशको सर्वोच्च फुटबल प्रतियोगिता आयोजना गर्ने अवसर दिएकामा गर्व व्यक्त गरे, 'सफल आयोजना गर्न कुनै कसर बाँकी राख्ने छैनौं ।'
एसियन कप खेल तालिका